A Fundación

A Fundación L. Monteagudo foi constituída en escritura pública outorgada en Santiago de Compostela (A Coruña) o 17 de outubro de 2013 por D. Luis Monteagudo García. O 30 de abril de 2014 foi clasificada de Interese Cultural (DOG núm. 100 do 27 de maio), co que adscribiu ao protectorado da Consellería de Cultura, Educación e Ordenación Universitaria. O 9 de xuño de 2014 foi declarada de Interese Galego (DOG núm. 116 do 19 de xuño), polo que pasou a figurar no Rexistro de Fundacións de Interese Galego, sección cultura, dende o 25 de xuño de 2014 co núm. 2014/7.

Segundo consta no artigo 5 dos seus estatutos, a Fundación persigue os seguintes fins:

• A investigación e os estudos de Prehistoria, Historia e Filoloxía de Galicia e, en especial, a publicación da documentación dos numerosos apuntamentos, fichas, notas, debuxos, cadernos, diarios, casetes, escritos e traballos persoais do fundador Luis Monteagudo, que estean sen publicar no momento do seu falecemento.
• A defensa, conservación, posta en valor e divulgación do Patrimonio Cultural Galego.